Studentkinje II godine smjera Komunikologija i mediji: Zorica Drakić, Nevena Marić i Šejla Radončić autorke su projekta: „Glasovi podrške“.

Kroz interaktivnu kampanju u prostoru univerziteta, uz podršku kreativnih i koloritnih rekvizita, postavljeno je jednostavno, ali važno pitanje: „Kako se osjećaš?“

Ova inicijativa ima za cilj da podstakne otvoren dijalog i ukaže na to da su emocije i njihovo izražavanje ključni dio mentalnog zdravlja.

U mini kampanji je učestvovalo 277 studenata i studentkinja: njih 158 istaklo je pozitivna osjećanja i značaj podrške i otvorene komunikacije. 119 studenata/kinja podijelilo je iskustva stresa, nesigurnosti, anksioznosti i straha od osude.

Zaključak kampanje je da je mentalno zdravlje tema koja je itekako prisutna među studentima i akademskim osobljem.
Podrška, razumijevanje i empatija igraju ključnu ulogu u stvaranju osjećaja sigurnosti i prihvaćenosti.

U videu pogledajte kako je kampanja realizovana i kako su studenti reagovali.

Aktivnost je realizovana pod supervizijom predmetne saradnice i psihološkinje mr Ane Maksimović Sekulović.